قصيـــــــــدة اواخـــر الشتــــا لأليســــا ابو ماضى ....

ايجي تك : تاريخ التسجيل : 16/02/2010

{ ( من قصيدة ( أواخــر الـشـتــا }

للشاعرة/ إليسا أبو ماضى

كنا فى أواخر الشتا قبل اللى فات

زى اليومين دول عشنا مع بعض حكايات

أنا كنت لما أحب أتونس معاه

أنا كنت باخد بعضى واروح له من سكات

أجب عن الأسئلة التالية:

1- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟

2- فى أى فصل من فصول السنة كتبت هذه القصيدة؟ (مستدلا على ما تقول)

3- علام يدل التعبير (أنا كنت باخد بعضى وأروح له من سكات)؟
4
- أيهما أفضل (أنا كنت باخد بعضى) أم (أنا كنت باخد تاكسى)؟ ولماذا؟

5- اختر الإجابة الصحيحة مما بين القوسين:

- الجمال فى قولها (عشنا - معاه): (تصريع - جناس - حسن التفات)
-
(أروح له من سكات) المقصود بها: (دكاكينى - دحاليبى - ذرابيئى)
-
مصدر كلمة (أتونس): (تَوَنًّس - تُونِس - تَنَاسَى)
-
(زى اليومين) مجاز مرسل علاقته: (الكلية - المدرسة - الحضانة)
*****

والناس فى عز البرد يجرو ويستخبو

وأنا كنت باجرى وأخبى نفسى قوام فى قلبه

ولحد لما الليل يليل بابقى جنبه

وأفضل فى عز البرد وياه بالساعات

أجب عن الأسئلة التالية:

1- هات من الأبيات مضاد (النهار), وكلمة تؤدى معنى (معاه)
2
- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.

3- إلى أى مدرسة شعرية تنتمى الشاعرة؟ وما أهم سماتها؟ (بدون غلط)

4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟!

5- أيهما أفضل (ولحد) أم (ولغاية)؟ ولماذا؟

*****

على سهوة ليه الدنيا بعد ماعشمتنا

وعيشتنا شوية رجعت موتتنا

والدنيا من يوميها ياقلبى عودتنا

لما بتدى حاجات قوام تاخد حاجات

أجب عن الأسئلة التالية:

1- اختر الإجابة الصحيحة مما بين الأقواس:
- (
على سهوة) تفيد: (السرعة - العجلة - الموتوسيكل 'الدجاج الهندى أبو 7')
-
(عيشتنا - موتتنا) تفيد: (التضاد - التأكيد - الحيرة فى اتخاذ القرار فى السقعة)
- كلمة
تؤدى معنى (شوية): (بعضشى - حفان - قيمة مقطف)

- المقصود بـ (يوميها) فى الأبيات: (يوم العاركة - يوم الخناقة - يوم الكرامة)

2- اشرح الأبيات شرحًا مفصلا باختصار.

3- أيهما أفضل (ياقلبى) أم (يانضرى)؟ ولماذا؟

4- يتضح فى الأبيات أن (الدنيا ملهاش أمان .. خالص). وضح ذلك مستدلا على ما تقول.

5- استخرج من الأبيات مايدل على:

- عشمنى بالمحبة وشعلقنى بالهوا، حايلته حبة حبة زودها واتلوى.

- زألطنى الحب زألوط، نمت فى بنها صحيت فى أسيوط.
*****
وسط الشوارع ناس كتيرة مروحين

والناس ياقلبى هما هما وهو فين

وأنا ماشية باتلفت وباسأل كل يوم

بيعمل إيه دلوقتى وبيحلم بمين

أجب عن الأسئلة التالية:

1- يتضح فى الأبيات الشوق
اللهفة وتطلع الشاعرة لرؤية (اسم النبى حارسه). اشرح
2
- يؤخذ على الشاعرة (وأنا ماشية باتلفت). وضح ذلك مبينًا مدى التعارض مع قواعد المرور.
3- ف
ى الأبيات لوحة فنية رائعة للناس اللى مروحين والمطرة اللى خلصت وبعد ما الخناقة انفضت قام شريف الظالم
أفك
ار يا أفكار فين راحت أفكار؟! رد ابنه عليه ومنين ارتاحت أفكار ما انت السبب السبب يابا فرقت بين حبيبين
آه ياب
ا آه يابا على قلبك فرقت بين حبيبين أفكار كانت راحة ابنك وابنك كانت راحة أفكار. نسيت كنت عايز أسأل فى إيه.
4- ل
ماذا غضبت أفكار وتركت البيت؟ ولمَ كثر عتاب الابن لأبيه؟
5-
((حُذف من قِبَل الرقابة))

Admin ايجي تك : تاريخ التسجيل : 03/12/2009

ايه الأسئلة الجامدة دى

كان نفسى أجاوب على الأسئله سؤال سؤال

-بس أنا ماقدرش أجاوب على إلى أى مدرسة شعرية تنتمى الشاعرة؟ وما أهم سماتها بدون غلط

لازم أغلط وخاصة فى ما أهم سماتها

فقررت إن أنا أسيب الورقة فاضية وربنا يستر فى التصحيح

موضوع جمييييييييييييييييييييييييييييييييييل ودمه خفيف

ودايماً بشووووووووووووووووشه

تاريخ التسجيل : 21/06/2009

ههههههههههه
بوبه براحه علينامش من اولها امتحان انا هاخد درس لغه عربيه الاول وبعدين اجي اجاوب عشان انا كده هسقط اكيد

ايجي تك : تاريخ التسجيل : 16/02/2010

وانا مرضالكيش انك تسقطى كوكي

خلاص هاسيبك تراجعى كويس

وبكرة فيه امتحان مفاجئ !!.. بكرة ها

تاريخ التسجيل : 21/06/2009

ربنا يستر
ويوم الامتحان يكرم المرء او ...............

Admin تاريخ التسجيل : 17/04/2009

الله موضوع جميل بس الرد
هيكون طويل جدا
والاجابات كتير
بس بجد موضوع عسل
وشكرا وربنا يدومها بخير

ايجي تك : تاريخ التسجيل : 16/02/2010

تكرملي ع المرور ياقمر

ايجي تك : تاريخ التسجيل : 02/01/2010

يا شيخه و انا اللى فاكره ده كله انه شاعر و اسمه ايليا ابو ماضى
طلعت شاعره و اسمها اليسا ابو ماضى
ههههههههههههههههههههههههههههههههههه
بس حلوه بشوشه تسلمى عليها