الموقع :ثلاجة في سوبر ماركت
البيبسي : يا ميراندا صاحية ولا نايمة
الميراندا : صاحية وانت ايه اللي مصحيك لحد دلوقتي لسه ربع ساعة والراجل
يقفل المحل ويقفل النور
البيبسي : ممكن أقعد جانبك
الميراندا : اتفضل
البيبسي : تحبي نتكلم في ايه
الميراندا : عادي أي حاجة..ولو هتطول قول علشان استأذن من بابا وأنام بره الصندوق
البيبسي ( فرحان ): احرجتيني وطلعتي زي ما قالت ماما>> ماما دي تبقى خالتو سفن آب
الميراندا : وهي قالت ايه
البيبسي : قالت الميراندا أحلى من الفانتا
الميراندا : فانتا قال فانتا قال
البيبسي : ليه مالها الفانتا دي تهبل
الميراندا : ماشي لو عاجباك روحلها في الصندوق بتاعها..سلام
البيبسي : ايه يا ميري زعلتي من كلامي ده انتي ستهم كلهم
وفي اللحظة دي صاحب المحل حط جنبهم زجاجة فانتا.....
البيبسي : نورتي الصندوق يافانتا...ايه يا أخواتي الحلاوة دي
الميراندا : وكمان بتغازلها قدامي,, وانا معاك من الصبح يا عبد يا اسود
الفانتا : دي مالها دي متعصبة...ياي غيارة
البيبسي : سيبك منها بس قولي ايه الجمال اللي انت فيه ده
الميراندا : قولي يا قصيرة يا قزمة
الفانتا : روحي كده وانتي بقاك اسبوع مرمية في الصندوق ومحدش معبرك
البيبسي : هدوء يا جماعة كل واحدة فيكم فيها مميزات انتو الاتنين حلوين
وفجأة جه زبون المحل وخد الثلاث زجاجات في كيس
وروح البيت وفتح الفانتا وشربها...
البيبسي : الحمد لله كانت مضايقانا الفانتا............ (منافق و بوشين)
الميراندا : وكمان جايلك عين تتكلم...روح وراها يا اسود
البيبسي (بينه وبين نفسه ) : ضاعت عليا الفانتا وكمان الميراندا
وجلست الميراندا تبكي وتقول لنفسها يقطع الحب وسنينه
لحد اما سخنت وجه واحد يشربها وجدها سخنة فألقى بها في سلة المهملات
وكانت دي نهاية مؤلمة لقصة حب...... ساخنه جدا
ايجي تك
موضوع: حوار رومانسي بين الميراندا والبيبسي 
الأحد 10 أكتوبر 2010, 13:23
